Liseberg - einn af stærstu skemmtigörðum Evrópu er í hjarta Gautaborgar. Frír aðgangur að garðinum fylgir þátttakendakorti í Partille Cup. Ath að greiða þarf sérstaklega í tækin.
Skara Sommarland er fjölskyldu-og skemmtigarður í 1 ½ klst. aksturs fjarlægð frá Gautaborg og verður dagsferð þangað á þriðjudeginum. Íslensku þátttakendurnir fá frían aðgang að garðinum
Slottskogen er skemmtilegur útivistargarður í miðri Gautaborg. Í honum er ma. að finna húsdýragarð og pöddusafn! Þar er einnig hægt að fara í sólbað eða leika sér ef vill.
Delsjön er útivistarsvæði skammt frá miðborginni þar sem hægt er að leigja kanó, taka með sér nesti og róa út í hólma þar sem hægt er að grilla og fara í sólbað. Einnig er hægt að fara í skemmtilega göngutúra, busla í vatninu eða tína ber... allt eftir smekk!
Näset er frábær baðströnd í góðu veðri!
Náttúruminjasafnið sem er mjög þekkt og frábært að heimsækja. Hefur verið í Gautaborg frá 1833!
Þar er m.a. hægt að sjá beinagrind af Búrhval (í fullri stærð!) og uppstoppaðan fíl... mmhhmm jú í fullri stærð! Besta er að fyrir 25 ára og yngri kostar ekkert inn! 40.- SEK fyrir fullorðna. Sami miði gildir einnig í 4 önnur söfn!
Bergsjön er vatn í útjaðri borgarinnar og eru útivistarmöguleikarnir endalausir!
Volvo verksmiðjan er þess virði að heimsækja fyrir bílaáhugafólk. Er staðsett á Hissingen og þangað er einfalt að komast með strætó.
Träggårdsföreningen var nýlega útnefndur fallegasti almenningsgarður Svíþjóðar 2009. Þar er td. eitt stærsta fiðrildasafn lifandi fiðrilda á Norðurlöndum.
Valhalla badet. Stór sundhöll í miðborginni.
Bunkeberget – area 51. Einskonar félagsmiðstöð inni í fjalli. fv. aðstaða hersins, núna frábær
skatepark.
Nordstan Ein af stærstu verslunarmiðstöðvum Norðurlanda (180 verslanir!).
Félagsmiðstöðvar og fótboltavellir eru um alla borg.
Paddan eru bátar sem sigla um skurðina í Gautaborg, niður á höfn og sýna aðra hlið á Gautaborg en venjulega sést.
Läppstiftet er útsýnisturn sem er vel þess virði að heimsækja til að sjá borgina alla!
No comments:
Post a Comment